ဟက်ပီဘတ်ဒေး ချမ်းမြေ့ဦး

မနက်ဖြန်ဟာ ကျွန်တော့်ရဲ့ အသက်(၃၀)နား ကပ်လာတဲ့ မွေးနေ့တစ်ခုပါ။ ဒီမွေးနေ့မှာ ကျွန်တော်ဆိုတာကြီး ဖြစ်တည်လာအောင် မွေးပေးတဲ့ ဖေဖေနဲ့မေမေ အနားမှာ ရှိမနေပါဘူး။

ဒါ့အပြင် မွေးချင်းပေါက်ဖော်တွေလဲ တယောက်မှ လာမှာ/ရှိမှာ မဟုတ်ပါဘူး။ ကျွန်တော့်မိသားစု သီးသန့်လေးဖြစ်တဲ့ လက်တွဲဖော်ကြင်ယာ အမျိုးသမီးရယ် ၊ ရင်နှစ်သည်းချာ သမီးလေးရယ် သာ အနားမှာ ရှိမှာပါ။

ဒါပေမယ့် ဒီလိုချည်းပဲ အထီးကျန်နေတာ မဟုတ်ပါဘူး။ ကျွန်တော့်ကို ချစ်ကြတဲ့ ကျွန်တော်က ချစ်ရတဲ့ Online မိတ်ဆွေ လူကြီးမင်းများလည်း ရှိနေကြမှာပါ။ ကွန်ယက်ပေါ်က မိတ်ဆွေကြီးများကို လှိုက်လှိုက်လှဲလှဲ မွေးနေ့ပွဲလေးကို ကြွရောက်အားပေးကြပါလို့ ဖိတ်ခေါ်အပ်ပါတယ်။

ပထမတော့ ဒီစာလေးကို (၂ရ)နေ့မနက်အစောပိုင်း မှ တင်မလို့ပါ။ ဒါပေမယ့် တနှစ်လုံး ဆိုးခဲ့လေသမျှအတွက် ဘုရားမှာ ခွင့်လွှတ်ဖို့သွားဆုတောင်းမှာမို့ ဒီညမှာပဲ တင်လိုက်တာပါ။ မိသားစုဝင် အားလုံးကိုလည်း ကျေးဇူးအထူးတင်ရှိပါတယ်။

ကဲပါလေ ပျော်စရာကောင်းတဲ့ မွေးနေ့လေးကို ရှိတဲ့လူ / ရှိစေချင်တဲ့လူတွေ နဲ့ ပဲ ကျင်းပလိုက်ကြတာပေါ့။

ကြွရောက်လာတဲ့ လူကြီးမင်းများ အားလုံးကို အောက်မှာ စိတ်ဝင်စားဖွယ်ကောင်းတဲ့ ကိတ်မုန့်လေးတွေ ကျွေးချင်ပါတယ်။ ကျွန်တော်နဲ့အတူ တပျော်တပါး စားလိုက်ကြရအောင်ပါ။ READ MORE လေးကိုတော့ ဆက်ဆက်နှိပ်နော်။




ကဲ မပြောဘူးလား

ကိတ်မုန့် အလန်းလေးတွေနဲ့ ဧည့်ခံမှာပါလို့။ ကျွန်တော်ဟာ ဘာပဲရေးရေး တားရော့မပါရင်မဖြစ်တော့ ပါလာပြီပေါ့။

ခုတော့ ပုံပဲကြည့်ကြပါဦးနော်။

ဒါပေမယ့်ဗျာ ကျွန်တော့ကို ကိုတေးအေးရိပ် ၊ ကိုချမ်းမြစိုး ၊ မနိုင်းနိုင်းစနေ(ခုတော့ ဘယ်မှာနေမှန်းမသိ) နဲ့ ကျွန်တော့် BLOG လေးကို ဖန်တီးပေးတဲ့ ဆရာ ဦးကျော်မင်း တစ်ဦးဦးကတော့ ၀ယ်ပို့လိုက်မယ် ထင်တာပါပဲ။ ဟဲဟဲ အထင်ပေါ့ဗျာ ငွေပေးရတာလိုက်လို့နော့။ လန်ဒန်မှာ ရှိတဲ့ မိတ်ဆွေတွေ ကိုပဲ ရွေးသတိရတာ စိတ်ဆိုးကြနဲ့ဗျ။ ဒီကိတ်မုန့်က £185 ဆိုတော့ £ ငွေသုံးမယ်လို့ ထင်ရတဲ့ သူတို့ကို ရွေးပြောတာပါ။

နောက်တခုကတော့

ချမ်းမြေ့ဦးကို မြင်ဖူးချင်ကြတဲ့ မိတ်ဆွေများအတွက် မလှတဲ့ ကိုယ့်ပုံလေးတွေ ပြထားပေးပါတယ်။

အရှက်နည်းတဲ့ ပုံတွေလို့တော့ မပြောကြပါနဲ့ဗျာ။ ဒီပုံလေးတွေပဲ အပြစ်ကင်းလို့ပါ။